Adina puspè datti discs novs da chapellas che han registrà lur sauts, er en temps nua che bler capita sin via digitala. L'ultim temp avain nus survegnì novitads dal Schwyzerörgeli-Trio Balmhorn, da la chapella Huusfraue-Gruess, dal quartet appenzellais Altfrentsch e dal Echo vom Ürnerländli. Quai è la chapella da las soras Angela e Julia Gisler e Marianne Epp-Ziegler. In auter disc nov vegn dal Ländlerquintett Berna-Grischa, ina chapella bernaisa che fa musica populara en stil grischun. In disc cun pliras chapellas porta il titel «70 Jahre Mosi-Wysel». Quai è Alois Lüönd, in musicant original dal chantun Sviz ed el suna cun diversas chapellas da sias cumposiziuns e ses sauts preferids.
Sauts novs da furmaziuns da tut la Svizra
Dal quartet appenzellais Altfrentsch, dal Echo vom Ürnerländli, dal Ländlerquintett Berna-Grischa e bleras autras furmaziuns.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter