Siglir tar il cuntegn

Header

Keystone
cuntegn

Simon and Garfunkel: «El condor pasa»

Ils onns 60 era il temp dal las furmaziuns che faschevan musica cun ghitarras e dus vuschs: ils Everly Brothers, ils Byrds e surtut Simon e Garfunkel, in dals duos ils pli famus da tut ils temps. Dad els datti ina seria da gronds hits e semperverds ed els han vendi sur 40 milliuns discs. Quel cun il pli grond success è stà «Bridge over troubled water», cumpari il 1970, be in per mais avant chiels sa separan. Ina da las pli bellas chanzuns da quel disc è quella che ha ses origins en las Andas peruanas: «El condor pasa». La chanzun raquinta dal ultim princi dals Incas, da Tupac Amaru, che s'aveva revoltà cunter ils conquistadurs spagnols. Quai era en il 16avel tschentaner. Il 1913 ha cumponì Daniel Alomía Robles la chanzun davart l'eroe peruan e dal 1965 ha Paul Simon udi per l'emprima giada la melodia en la versiun da la furmaziun «Los Incas» ed è stà intgantà. 5 onns pli tard registreschan Simon e Garfunkel lur versiun da la chanzun, accumpognads da «Los Incas» e quella daventa in grond success, lur ultim. Listorgia n'è pero dal tut a fin. Er en quest cas hai dà ina cuntroversa pervi dals dretgs d'auturs. Signur Robles era da l'avis ch'el haja ils dretgs. Paul Simon ch'era betg sta conszient da quai è sarranscha cun il cumponist peruan. Per Robles in bun affar, pertge pliprobabel aveva er el be «empresta» la melodia.

Dapli da «Ina chanzun – in’istorgia»

Scrollar a sanestra Scrollar a dretga