Il principi dals onns 80 ha ina band da Birmingham in pau success ed anc dapli midadas da commembers. Per in avegnir interessant pauc bunas premissas.
Il 1982 fan els lur segund disc «Too-Rye-Ay» e quel cuntegn lur salvament: La chanzun «Come on Eileen», in toc che maschaida pop, soul e folk celtic-brittanic, senza sintetisaders, pero cun violina, accordeon e banjo.
La chanzun è plain allegria e fantasia. Els han in hit mundial, er en ils Stadis Unids. «Come on Eileen» stgatscha ils 23 avrigl 1983 a «Billie Jean» da Michael Jackson da l'emprima plazza da la parada.
