La Fête des Vignerons è in eveniment d'ina generaziun. Mintga 20 onns ha quest arranschament imposant lieu a Vevey. Sper il grond spectacul cun ses 5'600 giugadurAs, ch'ha lieu durant 3 emnas mintga saira en l'arena, vegnan anc organisads events ed inscunters pli modests. Uschia era ils dis dals chantuns.
La sonda dals 20 da fanadur 2019 è Friburg stà osp. In chantun cun ina cultura musicala da qualitad. Ils collegas da Radio Télévision Suisse RTS han realisà quella sonda l'emissiun «Kiosque à Musiques» là a Vevey e quai cun furmaziuns friburgaisas. «L'Artg musical» è stà preschent e porta bellas impressiuns musicalas da quest'emissiun moderada da Jean-Marc Richard.
redacziun: Giusep G. Decurtins