Quest giubileum vulain nus festagiar ed avain perquai tschertgà vossas istorgias tar lur chanzuns. «Quei dat ei buc tier nus» è daventà in running gag da famiglia, «Vinavon anavon» tutgava en il Surmeir tar il soundtrack da la vita, «Il mistral» ha chaschunà differentas reacziuns, e nus savain ussa dapli dal nov imni dal Club da ballape Trun/Rabius.
Nus avain confruntà Alexi e Marcus cun vossas istorgias, avain laschà tadlar els, co lur auditori sa regorda vi da quels 35 onns ed avain constatà: Nossas istorgias han commovì els!
