«The lion sleeps tonight» è ina chanzun davart la chatscha da liuns sin las scossas dals Zulu en l'Africa dal Sid. Solomon Linda registrescha la chanzun il 1939 ed ella daventa in hit en ses pajais. La firma discografica sidafricana ha lura tschertgà in distributur en ils Stadis Unids ed uschia vegn la chanzun il 1952 tar il chantadur da folk Pete Seeger. El na chapescha però betg il text e translatescha il titel original «Uyimbube» cun «Wimoweh». Quai è lura be in dals titels da la chanzun che daventa enconuschenta – enfin uss datti sur 150 represas.
La versiun che fa furora è quella dal 1961 dals Tokens che vegn sin l'emprim plaz da la parada da hits e che sa venda sur sis milliuns giadas. Perfin per en il film «The King» da Walt Disney ins auda la chanzun.
Solomon Linda è mort il 1962 en povradad. Auters han dentant fatg il grond affar: las entradas dals dretgs d'autur surpassan ils 70 milliuns dollars.
