«L'Artg musical» lascha reviver la Festa da musica chantunala dals 22 e 23-06-2019 si Arosa. 51 furmaziuns (43 dal Grischun ed 8 estras) han sunà. RTR ha registrà tuttas producziuns concertantas (tocs da patg e da pensum). «L'Artg musical» porta las producziuns dals quatter victurs en las duas spartas: armonia e fanfare mixte: Malans, Tschlin, Grüsch e Brusio. Daspera udin nus anc trais musicas che han sunà en la categoria libra: Samedan, Silvaplauna e Rothenbrunnen.
(rep. «Instrumentala» dals 26-06-2019)
redacziun: Giusep G. Decurtins
