Ed en quella gruppa passa cuasualmain il giuven Claude Bukowsky, che vegn da in dachasa burgais ed è gist sin via en caserna. El passenta in di e ina notg cun ils hippies, s'inamurescha e sa chatta bainspert en in conflict: Duai el refusar il servetsch militar ubain duai el suttametter a l'autoritad militarica cun la risca da perder sia vita en l'uiara da Vietnam?
Scrit il musical han ils acturs Gerome Ragni e James Rado ch'enconuschan in l'auter dal Broadway. Il reschissur che ha purtà lura il toc sin tribuna è stà Bertrand Castelli, ch'è stà pliras giadas en praschun per organisar marschs da protest - pia ina persuna che ha vivì il moviment da la giuventetgna dals onns 60 e che ha procurà che quel vegni mussà autenticamain sin tribuna.
Il musical ha lura gì taluisa success che quai ha lura era dà il 1979 in film ordlunder. Dentant ha il film intginas differenzas tar il musical original, per exempel n'è Claude Bukowsky betg pli bisexuals en il film, persuenter è la fin pli dramatica.