L'avrigl 1994 è stada la primaudiziun. Uss, suenter 23 onns, è questa Via crucis cun sias 14 staziuns, il Pater noster ed il Stabat Mater vegnida preschentada ina segunda giada. Il Chor viril baselgia da Savognin ha dà quest'ovra impressiunanta ensemen cun la sopranista Letizia Scherrer e l'organist Clau Scherrer. Gianign Arpagaus ha dirigì.
Quest Artg musical spezial per venderdi sontg porta la registraziun fatga da RTR la dumengia dals 9 d'avrigl a Savognin en la baselgia da Nossadonna.
