Il cumpliment dad oz va a Letizia ed Isidor Winzap. Florentina Camartin vuless dir grazia fitg per lur lavur creativa ch'els dus fan. Ella giavischa bler plaschair e forza per lavurar vinavant uschè creativ.
Faschai er part!
Er sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.
Audituras ed auditurs pon annunziar a RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.