Siglir tar il cuntegn

Header

audio
Intgins exponats.
RTR, Georg Luzzi
laschar ir. Durada: 2 minutas 35 Secundas.
cuntegn

L’istorgia da Vnà è documentada en il museum

Purs, mazlers, scrinaris ma era scripturs e dirigents – tut quai en il museum Vnà. Il museum festivescha queston ses 40avel anniversari.

Bleras ideas naschan durant las uras pitschnas in ustaria, uschia era lidea da realisar in museum a Vnà, uschè il president Otto Barblan da Vnà. Avant 40 onns han ils iniziants ramassà utensils da tut gener, da quels per lavurar sin la prada, dal scrinari, ma era dal mazler e dal chatschader – 400 exponats èn oz en il museum a Vnà.

Scripturs e cumponists

Ina buna part dal museum è era deditgada a las persunalitads dal pitschen vitg. Nuot Vonmoos chha scrit la chanzun «Buna not – dorma bain» ma era Gudench Barblan che ha scrit la chanzun «Chara lingua da la mamma».

E lura era la partitura dal cumponist Otto Barblan chha scrit la musica da Chalavaina, in toc per chor e orchester che regorda a la battaglia a la Chalavaina 1499.

Il museum preschenta listorgia e abitants

Il museum è in spievel istoric dal vitg da Vnà, in pitschen local en il plan terrain da la veglia chasa da scola. Radund 100 commembras e commembers dumbra la societad e quai èn tuttina 30 dapli che abitants a Vnà.

Dapli da «Total local»

Scrollar a sanestra Scrollar a dretga