Il cumpliment dad oz vegn da Martina Blumenthal da Falera e va a Gina Cavelti da Laax. Martina engrazia per las bellas spassegiadas e la bella petta che Gina ha fatg per il natalizi da ses um. Martina sa legra gia uss sin la proxima spassegiada e sin ina buna marenda.
Ma era sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.
Audituras ed auditurs pon annunziar ad RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.