Quai è l'istorgia da Giachen u Jacob Jecklin, numnà il ritg. Ella cumenza l'onn 1644 a Zuoz ed al maina en crusch ed a travers l'Europa, enfin sur mar en l'Africa dal Sid ed en l'Indonesia.
Jecklin n'è betg be aventurier, ma er autur. El noda sias staziuns en in raquint autobiografic plain duels, pirats, mercenaris, guvernaturs e bartgas che fan navrutta. Cun suns e tuns dal temp ans mettain nus sin ils fastizs dad in dals emigrants engiadinais ils pli sgiagliads.
L'emissiun è ina repetiziun da l'avust 2020. Durant la stad preschenta la Marella er quest onn inqual perla radiofonica ord noss archiv.
