Siglir tar il cuntegn

Header

Keystone
cuntegn

ZZ Top: «La Grange»

Els èn ils trais Texans ils pli enconuschents: Billy Gibbons, Dusty Hill e Frank Beard. Lur rock cun bler blues ha blers fans sin tut il mund. Quai mussan er ils 50 milliuns albums ch'els han vendì dapi lur fundaziun dal 1969.

In da lur tocs ils pli enconuschents è da chattar sin lur disc «Tres Hombres» dal 1973. «La Grange» è quel toc cun ils tuns da ghitarra che Billy Gibbons suna cun sia Fender Stratocaster. Els sa basan sin il ritmus enconuschent che John Lee Hooker aveva gia dovrà per ses toc «Boogie Chillen».

En la la chanzun vai per la citad texana «La Grange», ch'è daventada enconuschenta pervi da ZZ Top. Quai è in lieu cun var 4'600 abitants, pauc spectacular – però i dat in hotel renumà a ses cunfins: la «Chicken Ranch». Quai era dal 1905 fin dal 1973 in bordell e da quel datti schizunt in musical ed in film.

Dapli da «Ina chanzun – in’istorgia»

Scrollar a sanestra Scrollar a dretga