Bleras persunas pateschan vid las consequenzas da quella unda dinfurmaziuns. Igl è grev da sa concentrar schins ha adina il sentiment chins manchentan insatge. E quai pertutga quasi tuttas gruppas da vegliadetgna – davent dal manager che legia mails da lavur la fin demna enfin il scolar, che stuess atgnamain emprender.
Per chins possia desister en il futur tscha e là da utensils digitals preschentà il Digitip oz tschintg differents tips.
Nagin telefonin en la chombra da durmir
Stgaffir lieus da ruaus nua chutensils digitals èn scumandads. Blers dovran oz lur telefonin sco svegliarin. Lemprima egliada la damaun è fixada sin lur natel. In simpel svegliarin analog po remediar. Plinavant po er la glisch dal telefonin la saira po engrevgiar il sa durmentar.
Regular il temp vid meds digitals
Metter a sasez uras fixadas, cura chins desista sin linternet. Da mezdi, suenter la lavur, u la damaun da solver. Tgi che chatta per sasez alternativas durant quest temps, sco per exempel leger u tadlar musica, na vegn betg a pensar vid il telefonin.
Stgaffir zonas da ruaus
Reflectar pli fitg cura chins dovra il telefonin u betg. Dovrel jau per propi mes telefonin sin viadi a la lavur? Enstagl da giudair la bella survista durant ir cun tren è nossegliada savens fixada sin in visur. Inautra alternativa fiss da leger la gasetta u simplamain giudair il temp liber.
Nagina tema dal ruaus
Blers nèn betg pli disads dad esser persuls ed avair ruaus. Tant il corp sco er lolma dovran dentant exact quest temp per sa regenerar. Emprender dacceptar temps senza internet sco temp da ruaus è in emprim pass per puspè sa distatgar pli fitg dal telefonin. Per realisar con dependents che blers èn daventads dutensils digitals datti in simpel test. Empruvar da restar in entir di senza. Il proxim di mirar suenter e notar per sasez tut tge chins ha manchentà. Alura pon ins sa dumandar, con da quai dovrel jau propi per mia vita e con è cumplet nunnecessari.
Duvrar utensils senza internet
Ils smartphones dad ozendi èn bain practics. Bleras funcziuns unidas sin in utensil. Dentant bleras da quellas funcziuns pudessan ins era remplazzar senza problems. Leger il temp giu da lura bratsch, duvrar in apparat da fotografar, scriver notizias sin in bloc u duvrar in chalender da giaglioffa.
Cun quellas decisiuns ins po stgaffir pli bler temp liber en il mintga di ed ina giada u lautra era desister dal telefonin.
