Er quest toc cumparì il 1986 è in ch'è da chattar mintg'onn puspè en las paradas da hits. «Driving Home for Christmas» da Chris Rea. Nadal a chasa, tar la famiglia, quai è per blers ina finamira impurtanta, er per il musicist britannic. L'idea per la chanzun è vegnida cur ch'el era curt avant Nadal sin viadi vers chasa, e stava en colonna cun l'Austin Mini da sia dunna.
El era sin via da Londra a Middlesborough, in traject da 400 km. Pero i dat bler traffic e bainspert las emprimas colonnas. Chris Rea guarda enturn e vesa auters automobilists, che han las medemas intenziuns: rivar il pli spert pussaivel a chasa per festagiar Nadal, pero senza hectica e ravgias. Ina chanzun calma e relaxada: Driving home for Christmas.
