Calanda

La stad è la stagiun per far gitas. Qua u là vul ins pernottar en ina chamona dal Club Alpin Svizzer. Quellas han differents nums, ma mintgatant derivan ils nums era d'ina muntogna caracteristica per il territori. A Cuira vesa mintgin il massiv dal Calanda ubain quel da Favugn ubain quel da Vaz Sut. Auters patratgan dentant a la biera che stida la said en las chalurs da stad. Tgi sa che la chamona da la muntogna da Cuira prenda ses num dal latin «calare» che signifitga glischnar. I dat blers nums cun Calanda en Grischun, pertge che las muntognas tendan a glischnar. E tgi che sa regorda a la bova dal 2001 vesa che il num da la muntogna è chapibel.