Dani Klein, Jean-Michel Gielen, Willy Lambreght e Dirk Schoufs èn buns amis e vivan per la musica. Il 1986 furman els a Brüssel la band «Vaya Con Dios». Lur musica è ina maschaida da pop cun jazz, blues, soul, gypsy ed elements da la musica latina. Lur pli bella chanzun ed er la pli enconuschenta è ina dal 1990, «What's a Woman?». Il toc accumpognà da tuns d'orgel e trumbettas è ina ballada d'amur profunda e pudess er vegnir dal soul american, pero quai è ina da lur atgnas cumposiziuns. «Tge fuss ina dunna senza ses um, e tge fuss quel senza sia dunna» chanta Dani Klein cun sia vusch expressiva e pregnanta. Dal 2006 fan els ina versiun nova da lur toc, e là chanta ella en in duet cun Aaron Neville, in da ses chantadurs predilets, quel cun la vusch celestiala.
Vaya con dios: «What’s a woman»
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter