Concret munta quai per exempel che durant in viadi cun auto 10'000 kilometers vegn producì 1,8 tonnas CO2, ir cun tren il medem tschancun be 70 kilos e sgular circa il medem tschancun producescha 1,2 tonnas CO2. Sper quai mangia mintga Svizzer en media 50 kilos charn ad onn e quai procura per ulteriurs 500 kilos CO2.
Cumpensar CO2
I dat dentant er projects ch'empermettan da cumpensar il CO2 ch'ins producescha. Ins paja a quels ina summa e quella vegn investida per exempel en la Kenia en staziuns da cuschinar effizientas. Uschia na dovra quai betg pli uschè bler lain e las plantas che na vegnan perquai betg resgiadas pon vinavant filtrar il CO2 ord l'aria.