Hans Fischer, naschi il 1903, ha gì grond success sco impressari ed um d'affar ed el è sta zunt innovativ. Il 1925 ha el funda in'interpresa da taxi, ed il 1931 ha el fatg in grond pass, cura che la regenza ha aboli il scumond da camiuns en il Grischun. Cun in Opel Blitz ha el cumenzà a far transports e bain spert è sia firma creschida ad in crescher. Oz è quai in' interpresa cun 100 camiuns.
Hans Fischer, il musicant e cumponist
Sco impressari da transport ha el stgaffi ina gronda firma. El aveva però anc in'autra gronda passiun. Hans Fischer è ina da las figuras legendaras da la musica populara grischuna. In original, grond musicant e cumponist che vegniva er numnà il «Grossmufti». El ha cumponì passa 200 sauts, ha sunà cun Luzi Brüesch ed ha fundà il 1939 sia chapella Calanda. Il 1983 ha el lura survegnì sco emprim musicant grischun la clav da violina d'aur, la distincziun la pli impurtanta da la musica populara svizra.
