Siglir tar il cuntegn

Header

audio
Ils regents decidan davos portas serradas en la Chasa grischa tgi che survegn tge departement.
RTR, Flurina Cajochen
laschar ir. Durada: 2 minutas 12 Secundas.
cuntegn

Co funcziuna la repartiziun dals departaments?

I vala da reparter ils tschintg departaments sin trais cussegliers guvernativs veders e dus novs. Ina procedura che capita davos portas serradas durant ina sesida da la regenza.

Sco emprim bandunan quels che n'èn betg pli part da la nova regenza la sesida. Quai èn questa giada Barbara Janom Steiner (PBD) e Martin Jäger (PS). Ils dus novs, Marcus Caduff (PCD) e Peter Peyer (PCD) entran.

Silsuenter ha mintgin il pled en la suandanta successiun:

  • Mario Cavigelli (PCD) – è il pli ditg en uffizi
  • Christian Rathgeb (PLD) – è il segund ditg en uffizi
  • Jon Domenic Parolini (PBD) – è il terz ditg en uffizi
  • Marcus Caduff (PCD) – ha gì dapli vuschs che Peter Peyer
  • Peter Peyer (PS)

Uschia sesan ils tschintg umans dal reminent er enturn la maisa. Be il directur da la chanzlia chantunala è er anc là. Mintgin dastga giavischar, però decidì vegn da cuminanza e be tranter els. Tut ils detagls, con lunga che la discussiun è, tge che vegn discussiunà ed auter resta secret. Communitgada vegn a la fin sulettamain la decisiun.

Dapli da «Co e cum»

Scrollar a sanestra Scrollar a dretga