La ex miss Svizra vegn davent bain – pliras analisas en las gasettas ed en la rait attesteschan ad ella cumpetenza e suveranitad. Puncts da critica èn p. ex. ch'ella saja stada gnervusa e magari bunamain surdumandada cun tegnair en egl las reacziuns en las medias socialas, sentir il puls dals aspectaturs e manar discurs al telefon. Tut en tut vesan però blers Christa Rigozzi sco buna cumplettaziun tar Jonas Projer.
Mendra critica per l'emissiun che per Rigozzi
Pli blera critica datti per l'emissiun sco tala ed ils cuntegns. La discussiun na saja betg stada survesaivla e memia pauc disciplinada. Er da vulair giuditgar sur da l'autoritad per la protecziun da l'uffant e da creschids (Kesb) a maun da singuls exempels na saja betg stà la dretga via. Jonas Projer haja vulì pachetar da memia sut in chapè.