Siglir tar il cuntegn

Header

audio
Da vart dretga dasperas il museum vegn il curtin.
RTR, Linus Livers
laschar ir. Durada: 2 minutas 23 Secundas.
cuntegn

Trun: Sper il museum datti in curtin

Lentrada dal vitg da Trun sa mida: Il chantun sanescha la via. Visavi dal Museum Sursilvan Cuort Ligia Grischa vegni construì in parcadi e sper il museum datti in curtin che ha plaz per 80 persunas.

Schanza singulara

Avant quatter onns ha la fundaziun dal museum pudì cumprar il terren agricul. Il 1932 n'era quai betg reussì dacquistar quel, cura chin comité diniziativa aveva cumprà il museum per impedir chils objects custaivels giajan davent. Uss dettia ina schanza singulara, perquai che la via vegnia sanada ed in parcadi construì, di il president ch'è responsabel per il project dal curtin Dumeni Columberg da Mustér. Ma na betg be lentrada dal vitg da Trun vegnia pli attractiva, era il museum respectiv la chasa patriziana cun il curtin nov.

Spargnar custs

Las lavurs per quest project cumenzan cura che la via vegn sanada a lentrada dal curtin. Quai saja la stad, manegia Dumeni Columberg. La medema firma exequeschia las lavurs da la via e quellas en curtin per garantir chels possian spargnar custs.

Il curtin duai survegnir la furma dina plazza cun vias, plantas ed in palantschieu da crap indigen. Entamez vegn fatg ina funtauna cun ina structura da lartist da Trun Gieri Schmed. La plazza duai esser in lieu da sentupar per ca. 80 persunas. Parasols duain proteger dal sulegl e da la plievgia.

Na far daivets

Il project fiss stà pront avant passa in onn. Ma alura mancavan anc da quai da 700000 francs, di Columberg. El haja stuì ir a rugar tar instituziuns, fundaziuns, vischnancas e privats per pudair rimnar ils daners. La finamira da la fundaziun è stada da realisar il project pir cura che lentira finanziaziun saja stada garantida, perquai che la fundaziun na possia betg surprender daivets.

Il curtin custa ca. 800000 francs, lentir project inclusiv cumprar il terren, il project preliminar etc. munta a passa 1 milliun francs. Ils 24 davrigl ha la regenza grischuna concedì ina contribuziun da maximalmain 114000 francs.

Object istoric

Il Museum Sursilvan Cuort Ligia Grischa ha ina lunga tradiziun. Lavat Adalbert II da Medel ha laschà construir quest bajetg ils onns da 1774-1779. Per motivs finanzials ha la claustra da Mustér vendì la curt ed anteriura chasa-cumin da la Lia Grischa il 1859 a Gion Giachen Cavegn da Dardin. El era emigrà en Spagna. Ses frar e ses descendents èn stà migiurs, però els n'han betg pudì mantegnair quest bajetg ed han cumenzà a vender ils objects. Fin chin comité diniziativa ha acquistà el il 1932. El è vegnì renovà e surdà a la Fundaziun Cuort Ligia Grischa. L'onn 1934 è il museum vegnì avert.

Dapli da «Total local»

Scrollar a sanestra Scrollar a dretga