La cifra – 35

L'institut tudestg Alfred-Wegener ed il center per l'aviatica e l'astronomia da la Germania han communitgà quest'emna la racolta en lur serra da test en l'Antarctica. La cultivaziun saja fitg pretensiusa cun las cundiziuns climaticas crivas e las temperaturas fin minus 45 grads. Aparti bain creschian las cucumeras. 35 kilos han ins pudì racoltar dapi l'avrigl en la serra, er 39 kilos salata u 17 kilos tomatas. L'experiment pudess era gidar da cultivar in di nutriment en regiuns cun in clima extrem sin terra.