Per ses 14avel anniversari aveva il Turitgais giavischà ina maschina da scriver. Quai dentant betg per cumenzar cun ses emprim roman. El na scriveva simplamain betg gugent a man. Suenter la scola obligatorica ha el lavurà sco vendider dad artitgels da sport. Durant quel temp ha el scrit emprims versins.
Il 1981 ha el midà tar Radio DRS ed il 1989 è cumparì l'emprima emissiun cun Philip Maloney. Atgnamain vuleva Roger Graf be far ina pitschna parodia sin ils crimis americans. Als auditurs ha il detectiv dentant plaschì uschè bain, ch'el ha cuntinuà a scriver. Dapi bunamain 30 onns pon ins tedlar bunamain mintg'emna in nov cas da Philip Maloney. Uschia va quai!