«Per mintga fluretta, per mintga verdin, per mintga larmetta rugad'en curtgin» uschè entschaiva ina bellezza poesia da Ser Flurin Darms. Igl è ina poesia d'engraziament per tut las miraclas pitschnas e grondas che vegnan regaladas a nus di per di, onn per onn. Questa poesia, messa en musica da Gion Antoni Derungs, dat il titel a noss'ura da chors.
Vus udis in vair tschupè da chanzuns d'engraziament e d'admiraziun per flurs e flurettas, plantas e pigns, guauds e prads, flums e lais, plievgia e sulegl - e per tut la vita! La poesia da Ser Flurin Darms cuntinuescha uschè: «...pil radi sulegl, pil cont da marvegl, pils leghers utschals, per praus ed uals, per stad, primavera, per mintga stagiun, pil frestg dalla sera, per vent e per tun, a Ti, o Dieus, sei engraziau.»
Redacziun: Rosvita Barenius