Quests dis èn ils National Winter Games a Cuira. Sportitst cun impediments spirtals sa mesiran en las concurrenzas da skis, snowboard, passlung u unihockey. Var 560 atlets èn da la partida e tranter els era ina squadra da lARGO a Surava. L'ARGO è in'instituziun en il Grischun per persunas creschidas cun impediments. Ella porscha scolaziun, emprendissadis, lavur, accumpagnament en il mintgadi u in dachasa, insumma servetschs d'integraziun. LARGO fa quai sin incumbensa dal maun public.
Nua e co fa l'ARGO quai ?
L'ARGO ha lauvratoris a Cuira, Tavau, Glion ed a Surava. Ils lavuratoris survegnan lavur da l'industria e dal commerzi. Quai va da lavurs da metal, da scrinaria, u montascha da tuttas guisas fin pachetar u stampar. Ils lavuratoris da l'ARGO produceschan era regals, termagls u artitgels da decoraziun. La paletta da lavur e dals products è vasta.
L'ARGO dat lavur ed in dachasa
Chasas da dimora ha l'ARGO era a Tavau, Glion, Surava e Cuira cun 20 fin 70 plaz. Sper albiert e dunsena porschan ellas tgira, assistenza en il mintgadi, per exempel accumpagnament tar il medi, tar il dentis u en la terapia. Las chasas da dimora han era program per il temp liber. Activitads da la fin d'emna e durant las vacanzas. E qua tutga era il sport tiers e la participaziun ad occurrenzas sco ils National Winter Games.
L'Argo ha era ina purschida per ils pensiunadas
Las senioras ed ils seniors survegnan occupaziun en las chasas da dimora en ateliers pitschens u cun lavurs dal tegnairchasa. L'ARGO po pia era restar il dachasa suenter la pensiun.
