Selina Bontognali-Fluor (34) stat questa fin d'emna sin il palc a Chiavenna en occasiun da la festa da chant chantunala, nua ch'ella dirigia il chor d'uffants, las «Filomelas», e chanta cun l'ensemble vocal «La Cumbricula». La dunna giuvna sa, tge ch'i vul tut per pudair dar en il tact sco dirigenta.
En il Profil raquinta ella dal far musica e da sia passiun per las chanzuns rumantschas cun lur melanconia ed il laschar encrescher, da sia fascinaziun per il swing e jazz dentant era per il chant a-capella. Selina Bontognali-Fluor è dapi in onn e mez era mamma e lavura a Samedan sco magistra per uffants spezialmain talentads.