Mintgatant passentain nus il temp en baselgias, bleras giadas passain nus sperasvi. Savens n'essan nus dentant gnanc propi pertscherts, quant gronda che la valur culturala da quels edifizis sacrals è. E quantas baselgias extraordinarias da tala valur culturala che stattan sin il territori grischun.
Vita e cretta profita da la chaschun da metter en il center quest patrimoni cultural impurtant, ils edifizis sacrals dal Grischun. Quai faschain nus cun Markus Anker. El è spiritual evangelic a l'Universitad da Son Gagl ed in enconuschider cumpetent dal bain ecclesiastic e da l'architectura sacrala en noss chantun. Pertge èn baselgias edifizis multifuncziunals? Tge differenza datti en quest connex tranter baselgias en la citad e sin la champagna? E pertge èn las baselgias sin il territori grischun insumma da muntada particulara?
