El ha 73 onns, è stà chantadur da la band da rock «Faces», pli tard ha el fatg ina carriera da solist ed ha vendì sur 100 milliuns albums. Sia vusch ha gronda expressiun e quella enconuschan tuts. Ses emprims hits èn stads «Maggie May» e «Sailing». In da ses proxims è lura stà la chanzun d'amur «Youre In My Heart» dal 1977. Quella giada aveva el ina relaziun cun l'actura svedaisa Britt Ekland, però el di en in'intervista: «La chanzun n'è betg deditgada sulettamain a Britt, quai pudessan esser er autras dunnas». E sco i para devi bleras.
Pauc pli tard èn els sa separads cun bler teater, e la Eckland ha schizunt fatg in plant da 12 milliuns dollars cun la motivaziun ch'ella haja inspirà Rod Stewart tar divers da ses hits. «Youre In My Heart» pudess esser stà ina da quellas – ed è arriva en blers pajais en las paradas da hits.
