Siglir tar il cuntegn

Header

audio
Igl è impurtant da pudiar chargiar spert il telefonin.
Colourbox
laschar ir. Durada: 3 minutas 41 Secundas.
cuntegn

Co chargiar optimal il telefonin?

Chargiar il telefonin tutga tar il mintgadi da blers da nus. Ma tge ston ins risguardar per chargiar optimal ses telefonin?

Ils smartphones cun lur visurs gronds dovran bler dapli battaria ch'anc ils vegls telefonins cun pitschen visurs senza colur. Tant pli impurtant èsi d'era pudair chargiar ina giada spert il telefonin.

E per quai èsi il pli simpel da prender il bloc electric e cabel che sa chattan per ordinari en la stgatla ensemen cun il telefonin. I dependa dentant per ordinari betg sch'ins prenda in cabel u in bloc electric d'in auter producent. Tge ch'ins duess dentant evitar è da prender products bunmartgads da no-name. Quels chargian tut tenor fitg plaun ed i po er esser ch'els daventan fitg chauds cun chargiar. E quai po, en il mender cas, schizunt chaschunar brischaments.

Dapli da «Co e cum»

Scrollar a sanestra Scrollar a dretga