Il svilup ch'il corn ha fatg entaifer las epocas è impressiunant. Durant il baroc laschava il corn resunar il clom da signal en la chatscha. Ma en la romantica era el gia daventà in med stilistic che deva cun ses tun chaud la colur caracteristica a la sinfonia. L'associaziun cun la natira è dentant restada. En «La classica» udis vus il concert per quatter corns ed orchester, Op. 86 da Robert Schumann. Il cumponist è adina stà persvadì: «Das Horn ist die Seele des Orchesters».
Redacziun: Rosvita Barenius
