L'onomastic dal di dad oz è Matieu u Mattiu u Matthäus sco ch'ils chalenders rumantschs inditgeschan. Las furmas rumantschas mussan la confusiun tranter Matthias che era l'apostel che ha substituì Judas suenter ses tradiment e Matthäus che nus enconuschain sco evangelist. Era sch'i na dat betg patrocinis en il Grischun, è il num zunt popular sco che nus vesain en las bleras scursanidas sco Teias, Teias, Tis e cunzunt Meias e Matli.
Quest di signifitgava la fin da l'atun, ils purs stuevan avair finì las lavurs avant che l'enviern vegnia. E sche nus dain oz in'egliada a l'aura, pudain nus predir: «In clar sogn Mathiu, in ruch unviern».
