Georg Dolf ha lavurà sco pastizier, mulschader, camarier, badigliader da charvun, urbarisader, nettegiader da fanestras ed a la fin sco pasterner. Sia istorgia è exemplarica per la gronda part dals emigrants che èn partids durant la gronda unda da l'emigraziun tranter ils 1850 ed il 1920. Co che quella vita persunala stat en connex cun l'entir fenomen da l'emigraziun da la Val Schons, ans metta a lieu Peter Michael-Caflisch. El che ha elavurà l'emigraziun da la Val Schons en l'America en il cudesch «Hier hört man keine Glocken».
La Marella «Georg Dolf – in parent pers» è ina reflexiun davart l'emigraziun avant passa 100 onns, lung la vita da Georg Dolf, raquintada da Casper Nicca, il biadi dal frar da Georg Dolf. Sur brevs, documents e raquints s'avischina el a la vita dad in che è partì per restar.
Repetiziun dal settember 2019. Durant la stad preschenta la Marella er quest onn inqual perla radiofonica ord noss archiv