En Germania èn ils spazis per coworking creschì marcantamain aifer in onn. Tschintg giadas dapli surfatscha da biro per coworking han firmas d'immobiglias purschì en las grondas citads da la Germania il 2017, quai mussa in'evaluaziun d'experts d'immobiglias.
Biros da coworking datti er adina daplirs en Svizra. En tals biros partan pliras firmas u singuls interprendiders l'infrastructura e servetschs da biro. Il trend da coworking ha cumenzà avant intgins onns surtut per start-ups. Ozendi sa profiteschan er firmas grondas da la purschida per laschar lavurar lur collavuraturs en in ambient innovativ e creativ u per spargnar lungs viadis da pendularis.