La chapella Silvretta

En noss archiv da musica datti millis e millis da tocs en furma digitala. Nus avain però er in archiv cun portatuns, bindels sonors, plattas fonograficas e discs cumpacts. Mintgatant vali la paina da dar in sguard en quel archiv e d'ir en tschertga da raritads, registraziun veglias u simplamain da musica interessanta che nus n'avain betg anc en noss program. Dacurt hai jau scuvert la chapella «Silvretta» ch'ha existì dal 1978 fin il 2001. Quai pudess esser ina chapella grischuna – è sta mia emprima reacziun. Però quai è ina furmaziun bernaisa che fascheva bella musica populara en il stil grischun. E perquai che quella ha registrà avant onns bleras bellas polcas, valsers, marchas e schottischs, preschentain nus oz questa chapella e sia musica.