«Süsom givè – chanzuns rumauntschas ed egnas cumposiziuns»- uschia sa numna il disc cumpact che la cuntrabassista da jazz Adelina Filli ha realisà ensemen cun RTR. Adelina Filli ha absolvì la scola da jazz a Son Gagl. Dapi onns viva ella a Rorschach. «Süsom givè» cuntegna 19 titels e sco Adelina Filli di: «...in prüma lingia clingia il giun e mia vusch, accumpagno minchataunt dal clavazin (Manfred Federer) e da la battaria (Maurizio Grillo)». Ed ella – creschida si en Engiadin'Ota, a Schlarigna – chanta en Puter cun in accent Schlarinais! L'Artg musical porta musica e chant dal disc cumpact ed in discurs cun Adelina Filli.
redacziun: Giusep G. Decurtins
