Siglir tar il cuntegn

Header

Keystone
cuntegn

Michael Jackson: «Wanna Be Startin' Something»

Il november 1982 è cumpari in dals discs ils pli impurtants da l'istorgia da musica. Michael Jackson ha preschentà «Thriller», ses 6avel disc da studio, e quel è vegni vendì sur 100 milliuns giadas. L'emprim toc sin quest disc «Wanna Be Startin' Something» aveva Michael Jackson cumponì oriundamain per sia sora La Toya. Avant las registraziuns ha el pero decidi da prender quella chanzun per ses agen album, ina chanzun cun elements da la musica da disco cun trumbettas e corns, cun bler ritmus, in toc selvadi cun bleras energias. Sco bleras chanzuns da «Thriller» è er quella daventada in hit e vegnida enconuschenta sin tut il mund. In detagl interessant datti anc: A la fin da la chanzun dovra Michael Jackson ils pleds: Ma ma se, ma ma sa, ma ma coo sa. Quels aveva el surprendi dal toc «Soul Makossa», ina chanzun da Manu Dibango, in musicist enconuschent dal Kamerun. Er tar in toc da Rihanna, tar «Don't stop the music» datti quells pleds. Lura è capità enzatgè interessant. Ella n'aveva betg dumandà a Dibango per permiss, mabain a Jackson. Pir lura esi vegni ora ch'il «King of pop» aveva surpiglià la passascha da Dibango senza avair il permiss.

Dapli da «Ina chanzun – in’istorgia»

Scrollar a sanestra Scrollar a dretga