Siglir tar il cuntegn

Header

audio
Ils Gidieus festivescha Schawuot.
Keystone
laschar ir. Durada: 3 minutas 30 Secundas.
cuntegn

Schawuot

Ils Gidieus han sco mintg'autra religiun tradiziuns e festas. Oz, ils 8 da zercladur, cumenza la festa impurtanta che cuzza dus dis.

Il pled Schawuot vegn dal pled schawua che munta tant sco emna. Il pled entir munta: festa da l'emna. E quella festa ha lieu exactamain 7 emnas suenter Pessach – la festa nua ch'ils Gidieus han pudì svanir da la sclavaria dals Egipzians.

La muntada

Avant 3500 onns ha Moses survegnì quel di la Tora. La Tora è tar ils Gidieus il pled da Dieu e perquai fitg sontga. En la Tora datti 613 leschas e scumonds. Quai saja stà l'emprim messadi da Dieu che sa drizzia als Gidieus per viver en pasch in cun l'auter. In ulteriur motiv impurtant per il Schawuot èsi d'engraziar a Dieu per ina buna racolta.

Tradiziuns veglias

Durant quels dus dis s'inscuntran ils Gidieus en la cuminanza da famiglia e cun auters cartents. Els decoreschan las abitaziuns e chasas cun frastgas e flurs. Durant la festa mangian els surtut spaisas da latg, tranter auter crêpes cun chaschiel ubain turtas da chaschiel.

Dapli da «Il chavazzin dal di»

Scrollar a sanestra Scrollar a dretga