Il cumpliment da quest'emna vegn da Eveline Ziegler e va a ses dentist Eric Schmid da Glion. Eveline Ziegler engrazia ad el per ses grond engaschi sco dentist che vegnia da pigliar la tema ad ella che haja adina sgarschur da la visita tar il dentist.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Cumpliments èn bels pleds cun grond effect. Adina puspè entaup'ins glieud ch'avess merità tals pleds: la vendidra en stizun che serva adina cun in surrir, l'amia che gida en il perchasa, il vischin che dat da magliar al giat u simplamain insatgi che merita daditg in cumpliment che fa bain al cor.
Faschai er Vus part!
Er sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.
