Rico Caviezel e la Missa da Franz Bühler

Dus chors, dus dirigents, in orchester e solists han terminà la 40avla ediziun da Domleschger Sommerkonzerte 2018. Il Chor cecilian Concordia da la Tumleastga Dador ed il Chor Bruder Klaus Oberwil Zug han interpretà sper chanzuns a-capella la Missa in B dal cumponist tudestg Franz Bühler (1760-1823). Il quartet vocal M. Feuersinger, S. Huonder, F. De Giacomi ed A. Muoth, l'Orchesterverein Thusis e Karl Kaiser a l'orgla han cumpletà la retscha dals interprets. Dirigì han ils dus frars Armon e Rico Caviezel. RTR ha registrà il concert dals 5-8-2018 en la baselgia da Tumegl/Tomils e porta parts da quel ed in discurs cun Rico Caviezel.