«In bocca d’luf»

Ina «populara» dal mais settember è adina reservada per sauts e musica che han da far cun la chatscha che ha gist cumenzà. Per il pli bel temp da l'onn preschentain nus perquai tocs deditgads a la chatscha, tschiervs e chamutschs, star da cumpagnia e giudair la vita in chamona – ina populara per chatschadras e chatschaders - e per quels e quellas che taidlan gugent nossa emissiun. I dat bleras cumposiziuns che tractan la pli gronda passiun grischuna cun schottischs, polcas, e valsers – e vus udis las chapellas Stelser Buaba, Oberalp, Vadret e Grischuna, ils Schwyzerörgeli-Fründa Felsberg, ed Ils Jauers Arno ed Aldo.