Edeltraud en il parc

Noss chalenders rumantschs èn plain misteris! Oz menziuneschan tuts la Edeltrud u Edeltraud sco onomastic, il num dal di. Evidentamain n'è quai betg in num rumantsch, unicamain la furma scursanida, Ada, pon ins udir ina giada u l'autra. Il num sa cumpona da Adel, damai noblezza u aristocrazia, e trud, in vegl pled tudestg per ferm. Ina dunna nobla e ferma stat oz en il center! Tgi ch'era la sontga da la Frantscha dal nord vegnin nus ad udir.

Ch'ina dunna nobla fa ina spassegiada en in parc è in maletg che nus ans savain imaginar bain. Damai ch'era il Parc Naziunal festivescha ils diesch onns da la chasa dal parc, guardain nus era danunder che quel pled deriva.