Sche nus avain tema dad insatge essan nus bler pli attent. Noss senns sco savurar, guardar o tadlar vegnan megliers. Ed era nossa reacziun vegn bler meglra. Per exempel sch'ins ha tema ed ins sto currer davent èn ins tenor in studi pli svelt e pli movibel che normalmain.
Hippopotomonstrosesquippedaliofobia ed autras fobias
I dat da tutta sorts fobias. Per part era fobias che mo paucs han. Quai èn per il pli fobias fitg spezialas. Per exempel datti la fobia hippopotomonstrosesquippedaliofobia, la fobia da pleds lungs.
In autra speziala fobia è la eisoptrofobia. Sch'ins ha quella tema sche lura han ins tema da spievels. Quai è la tema ch'i dat in mund parallel da l'autra vart dal spievel e ch'ins vegn tratg en quel mund.
E la phobofobia è la tema da la tema.