En ils onns 90 hai dà differents uschenumnads «One hit wonders», gruppas nunenconuschentas che cuntanschan cun ina chanzun las emprimas posiziuns en las paradas da hits e svaneschan silsuenter puspè. Uschia han segir anc blers la chanzun «The Ketchup Song» en l'ureglia u forsa «Butterfly» da la gruppa Crazy Town.
Medemamain in «One hit wonder» è stà «Two Princes» da la gruppa Spin Doctors da New York. Era sch'els han anc publitgà avant e suenter quest hit insaquantas chanzuns, n'han naginas da lur chanzuns pli gì uschè in grond success.
