In'etimologia populara è in'explicaziun inexacta da la derivanza dad in num, ma savens colliada cun in'istorgia divertenta. Uschia udin nus in'autra interpretaziun da la paclera da l'emna passada.
Oz è dentant il di cur che la giuventetgna da Scuol arda sia poppa da strom, probablamain in usit precristian. Quel um da strom vegn numnà in hom da nom e pom en la chanzun ed ha dà uschia il num a nossa emissiun. E la saira giain nus tuts a durmir, nus giain en il strom. Tgi sa pertge?