Fabrizio de Andre: «Andrea»

Fabrizio de Andre, naschì il 1940 a Genua e mort il 1999 a Milan, era in dals chantauturs talians impurtants, in che aveva ina gronda poesia e che tematisava savens er quels a l'ur da la societad. Il 1978 cumpara «Andrea», ina chanzun cunter la guerra che raquinta d'Andrea e da ses marus. Al nord da las Alps era tut cler: Andrea è ina giuvna! Ses amant cun ils chavels ritschads cumbatta durant l'emprima guerra mundiala sin las muntognas da Trento. In di arriva ina charta che annunzia la mort da ses marus, stgarpà dals tuns da mitraglia. Andrea ha grond cordoli e stat sper ina funtana, e di: i basta sch'ella è pli profunda che jau. La fin è clera, Andrea n'è pero betg ina giuvna, e la chanzun da Fabrizio de Andre è dapli ch'in classicher talian cun bels tuns da ghitarra, mandolina e gïa, sco blers svizzers, austriacs e tudestgs crajan. Quai è ina chanzun davart in'amur omosexuala, en l'Italia dals onns 70 - insatge incredibel.