Felice e Boudleaux Bryant eran in pèr american che ha cumponì ils onns 50 e 60 blers semperverds. Per Bob Moore, Emmylou Harris e Buddy Holly. In dals pli enconuschents è «All I have to do is dream», ch'els avevan cumponi per ils frars Don e Phil Everly.
La carriera dals «Everly Brothers» ha cumenzà il 1956 e fin tar la separaziun dal 1973 han els vendi milliuns portatuns. Lur sen da marca era lur stil incumparabel cun chant a duas vuschs e cun duas ghitarras, er cun elements da la musica da folk, bluegrass e country. «All I have to do is dream» è stà lur segund hit nr. 1 en ils Stadis Unids ed en Gronda Bretagna, ed ina da lur chanzuns las pli enconuschentas ed impurtantas che ha er influenzà a Simon & Garfunkel, ils Beach Boys ed ils Hollies.
