Karl Malden en la rolla da Mike Stone ed il giuven Michael Douglas sco inspectur Steve Heller charravan savens sco nars tras las vias da San Francisco a la chatscha da bandits e criminals.
Quest duo vegn savens era numnà sco motiv principal per il success da la seria. Mike Stone era sco in bab per il giuven Steve Heller. Per la tschintgavla stafla è Michael Douglas alias Steve Heller vegnì remplazza cun Richard Hatch alias inspectur Dan Robbins. Quai n'ha betg plaschì a blers e las quotas èn idas enavos. Perquai èsi lura stà a fin cun la seria l'onn 1977 suenter be tschintg staflas e 120 episodas.
Lieus originals e buna musica
Sco motivs per il success da la seria vegn era numnà: Avant che cumenzar a filmar han ils dus acturs principals accumpagnà in detg temp intgins policists da San Francisco per pudair giugar uschè realistic sco pussaivel.
Plinavant èn propi tut las scenas vegnidas filmadas a San Francisco e betg d'emblidar la musica. Musica che gieva fitg bain cun las scenas e l'atmosfera en la metropola americana.
