Siglir tar il cuntegn

Header

audio
Bruno Ganz po oz festivar ses 75avel anniversari.
KEYSTONE
laschar ir. Durada: 3 minutas 12 Secundas.
cuntegn

Bruno Ganz

El ha giugà Hamlet, Faust, Prometheus, Hitler ed il tat da Heidi. El è in dals pli enconuschents acturs da la Svizra ed el vegn oz 75: Bruno Ganz.

Bruno Ganz era - sco el di sez - in mattatsch fitg schenà. In da ses scolasts aveva schizunt manegià ch'el saja «restà enavos». El siemiava pli gugent enturn che tadlar tiers. Ma gia durant il temp da scola ha el gì plaschair da far teater.

I ha dentant anc duvrà in temp fin ch'el è lura propi stà sin las tribunas pli grondas. Pir cun 24 onns ha el cumenzà da far teater. Là ha el giugà sur onns en blers tocs. Adina puspè Shakespeare, Goethe, Schiller. Silsuenter ha el era cumenzà da giugar rollas en differents films: El ha giugà en pli che 80 films. Adina puspè er en producziuns internaziunalas sco «Der Vorleser» nua ch'el ha tranter auter giugà cun Kate Winslet.

In rolla fitg enconuschenta era «Adolf Hitler»
Il 2004 ha el giugà la rolla principala sco dictatur en il film «Der Untergang» - in film ch'è schizunt stà nominà per l'Oscar sco meglier film da l'exteriur. Bruno Ganz ha survegnì il premi da film da la Bavaria sco meglier actuar – dals critichers è el vegnì ludà grondamain.

Dapli da «Il chavazzin dal di»

Scrollar a sanestra Scrollar a dretga